香港小熊

营业中

休息中

喺尖沙咀行街想買啲嘢飲， 經過香港小熊見啲飲品好吸引，而且我好鐘意食嘅肉鬆蛋糕卷有新口味！ 緊係要幫襯下啦 😍 香港小熊推出咗新嘅夏日飲品，有三款mojito，我就揀咗mango mojito!芒果冰檸芒果味夠香濃， 加埋青檸酸酸甜甜， 非常清新， 啱晒下天飲！ 維多利亞的秘密(凍)飲品名稱好特別，原來係有牛奶，伯爵茶，芋圓， 蜜糖！本來驚會好甜，但店員話原來出面嘅飲品一般係落50-60ml嘅糖，但係香港小熊係標榜少甜，只用30ml糖，所以甜度剛剛好！ 芋圓煙煙韌韌， 奶茶味香滑! 檸檬肉鬆卷四件 新口味分別係檸檬味同朱古力味！ 原來檸檬味同肉鬆都好夾喎！ 而且肉鬆唔會淋晒， 入面包住沙律醬邪惡又美味😋