Sepoy Mess

餐廳鄰近地鐵站，地理位置方便。裝修乾淨明亮，下層有露天座，上層室內、樓底高、闊絡、設有包廂。店員專業有禮，收碟永遠離枱收。餐廳餐牌多選擇，亦有set lunch 提供前菜、主菜及甜品，價錢喺九龍站嚟講相當親民。 ✦ Masala Garden Salad 賣相鮮艷、色彩繽紛，有蕃茄、青瓜、洋蔥、士多啤梨、烤粟米粒、薄荷葉等，以特色薄荷醬攪拌，成個沙律清新、重香料味，開胃。 ✦ Afghani Ribs & Chips羊肋骨經24 小時慢煮，骨肉分離，肉質香嫩，非常軟腍。而且份量多，共四大舊，好飽肚。 ✦ Chicken Tikka Masala煙薰雞腿肉質嫩滑，浸泡喺濃郁蕃茄洋葱醬之中，酸酸辣辣好入味。配搭烤得啱啱好嘅garlic naan一齊食，好夾。 ✦ Sticky Toffee PuddingClassic. 煙韌嘅布丁，配搭硬身、奶味濃郁嘅雪糕，及邪惡拖肥醬，好肥、但非常滿足。