無糖不歡 (已結業)

香港人食完晚飯，搵間甜品簿吹下水食下野好正常啦。我好想好想食糖不甩，但係又唔想又去啲傳統式嘅甜品店。上次食咗芋圓一，繼續唔去重複餐廳嘅傳統，今次就去咗呢一間『無糖不歡』點解去呢間，就係因為見到佢有好多款糖不甩，所以專登行過去揀呢間。去到門口，原來呢間係黃店，即刻嗱嗱聲望下門口有啲咩先！我首先梗係攞咗張貼紙先啦，然後我就攞咗7婆同疫戰。我有認真望嗰啲內容，真係有幾多字同相，真係一本小型雜誌有好多頁㗎。簡簡單單內在裝修望下餐牌有咩食先我叫咗個單身貴族（六粒口味不同嘅糖不甩），然後加咗個百家爭鳴（有芝麻糊杏仁茶腰果露同埋花生糊）我就最鍾意試下啲古靈精怪嘅嘢，我覺得呢幾個嘅組合好啱我。嗅落去係好香㗎，但係可能花生糊同腰果露嘅味比較重，所以杏仁茶個味就唔係咁重。我覺得都幾好食喎，不過如果再熱啲會仲好啲囉，可能始終食呢啲糊，溫熱其實係夠，只不過係我貪心想一路有嘢座熱住慢慢食。個糖不甩個樣係咪好靚呢？我都覺得係呀幾得噃。左上：咖啡，朱古力，香芋左下：抹茶，奶茶，薑汁鐵觀音其實我都唔係好記得個次序排序啱唔啱㗎，大家收住貨先喇。其實呢佢個口感就好似麻薯咁，鍾意試新野嘅，如果想試下涷食糖不甩嘅口感，可以過