彤粵菜小館 (已結業)

我真係好鍾意食中菜，特別同屋企人，朋友一大班人食中菜，又可以叫幾個鎹坐係度慢慢食。 今日同啊媽出街食飯。就試下呢間中菜餐廳。首先勁推薦佢漁夫之寶，好大碗，粒粒好似乒乓波咁大粒。係佢地秘制魚蛋。魚蛋全部係用魚肉整出來，爽口彈牙，總有一絲絲胡椒配合埋一齊，好惹味。加上清湯，突出魚蛋爽口之餘又清甜。其次蝦籽葱燒金玉參 ，完全係美顏滋補養生補品，啱曬媽媽，呢個海參份量多，海參軟糯彈牙，唔會太硬。海參膠質好重，啖啖都係滿滿膠質。加上蝦子配合埋海參，鮮甜惹味。最後我最鍾意食鳳梨咕嚕肉，咕嚕肉整得好食好難，因為菠蘿果酸會影響咕嚕肉整體。呢個咕嚕肉酸甜度掌握得非常好，而且炸得非常香口而且肉質非常彈牙加埋個醬汁，真係回味無窮。總言之呢個中菜下次可以再來。出品非常好。