竜王居酒屋 (已結業)

行街行到北角，無意中發覺日式隱世小店。佢哋係商場嘅入入口處，一開始都唔係幾顯眼。🥢竜王卷：好似好新奇咁樣，就同朋友一試，惗唔到係全晚最驚喜，入邊嘅配料係非常之豐富，面頭有豐富嘅三文魚籽，然後中間包住炸蝦天婦羅。我最鍾意嘅一定係中間夾住嘅吞拿魚蓉。高質，而且性價比幾高。🍣中拖羅壽司：肥美嘅吞拿魚壽司，果然非常之邪惡。入口啖啖油脂嘢甘香，而且非常之厚切，所以好入口。😋串燒白鱔：上到嚟仲係熱辣辣，非常之有驚喜，白鱔燒得脆皮，而且肉質都比較結實，彈牙之餘，都好好味。🐟鰻魚：中規中矩，有醬油嘅香味。🦀牛油果軟殼蟹：牛油果搭配得非常之唔錯，香濃軟滑嘅表面，仲有入邊即炸，脆口嘅軟殼蟹。