影片
更多
2019-04-21
66 浏览
今日去左元朗yoho mall 行街，夜晚搵野食，見到位於一期嘅莆田，呢間餐廳名聽就聽得多，今次都係第一次食咋！門面裝修都幾別緻～門口位擺左一壺生薑茶，供客人入座前免費飲用～薑味好重，辣辣地，冬天飲仲正！室內光線充足，以木色傢私為主調，天花上圓圓嘅大燈，為餐廳增加左點點時代感～第一道菜 - 冰浸苦瓜賣相已經贏左掌聲，每片苦瓜切得好透薄，蜜糖正正中和左苦瓜嘅苦澀味，而且苦瓜片比想像中多汁爽口～夠健康！第二道菜 - 家鄉燘豆腐用左砂鍋上，食嘅時候食到好似燶燶嘅味道，仲以為煮得過火左，但一問之下，店員話呢啲係黃豆香味，亦係呢道菜嘅特色之一～唔知莆田係咪一向都出名食蟶子嘅呢，見佢門口都有宣傳唔同煮法嘅蟶子，同埋呢度嘅蟶子叫做哆頭蟶，一向都鍾意食蟶子嘅我點會錯過呢度嘅海鮮丫～所以我地都點左第三道菜 - 鐵板鹽焗蟶子講真，通常食蟶子都係鼓椒炒或者蒜蓉蒸，呢個食法都係第一次，點知又幾好食，一啲都唔會太咸架！第四道菜 - 花雕蒸蟶子每隻蟶子都好飽滿，食完蟶子剩番嘅湯仲可以飲埋添架，好補身～最後一道菜 - 漁民紫菜燘飯同樣係砂鍋上菜，有好多細細粒嘅蠔仔，配埋紫菜，別有一番風味～
門口位擺左一壺生薑茶，供客人入座前免費飲用～薑味好重，辣辣地，冬天飲仲正！
室內光線充足，以木色傢私為主調，天花上圓圓嘅大燈，為餐廳增加左點點時代感～
第一道菜 - 冰浸苦瓜
賣相已經贏左掌聲，每片苦瓜切得好透薄，蜜糖正正中和左苦瓜嘅苦澀味，而且苦瓜片比想像中多汁爽口～夠健康！
第二道菜 - 家鄉燘豆腐
用左砂鍋上，食嘅時候食到好似燶燶嘅味道，仲以為煮得過火左，但一問之下，店員話呢啲係黃豆香味，亦係呢道菜嘅特色之一～
唔知莆田係咪一向都出名食蟶子嘅呢，見佢門口都有宣傳唔同煮法嘅蟶子，同埋呢度嘅蟶子叫做哆頭蟶，一向都鍾意食蟶子嘅我點會錯過呢度嘅海鮮丫～
所以我地都點左第三道菜 - 鐵板鹽焗蟶子
講真，通常食蟶子都係鼓椒炒或者蒜蓉蒸，呢個食法都係第一次，點知又幾好食，一啲都唔會太咸架！
第四道菜 - 花雕蒸蟶子
每隻蟶子都好飽滿，食完蟶子剩番嘅湯仲可以飲埋添架，好補身～
最後一道菜 - 漁民紫菜燘飯
同樣係砂鍋上菜，有好多細細粒嘅蠔仔，配埋紫菜，別有一番風味～
张贴
