酒鍋 (V Point) (已結業)

兩條友唔知食咩好，見到酒鍋啲湯底好特別，決定試下，一上到見裝修好有特色，而且可以欣賞夜景。今次試左個行酒江湖既湯底，顧名思義全部同酒有關。啤酒松鼠魚，藥材花雕雞，清酒海解鍋，紅酒牛尾，各具特色，不同味道交織一齊，香到不得了，試左啲湯，全部好濃郁好味。海鮮拼盤有爽身既海蝦，大大粒帶子，肥美既竹蟶，全部灼一灼已經鮮甜無比，因為全部即劏即食，冇得頂。頂級安格斯牛頸脊，牛味濃，肥瘦分配得址勻，入口雖未至於即溶，但口感好寶在而又冇渣。手打芝士墨丸都好彈牙，而且有香濃芝士心，正。開心小企鵝都係墨丸，賣相可愛，不過味道一般。洋蔥豬肉蝦蛋餃出面未見過，以蛋皮取替左傳統皮，唔會令湯變成好傑撻撻感覺，值得一讚，味道都保持得好。即炸手工紫菜嚮鈴卷多左迷菜，味覺享受更進一步，加上即炸好新鮮，點上湯之後，濃湯味加香脆感，令人滿意。最後當然要整盤蔬菜吸晒湯既精華。好滿足既一晚。