靚煲皇 (已結業)

今日天氣凍，打邊爐就最一流啦湯底都好多選擇，我哋揀咗食雞煲。雞煲（半隻）麻辣雞煲一上枱就傳來香味。叫左小辣，辣味唔重，唔麻，面頭有大量芫茜，仲有一大粒辣椒！雞肉大大塊，幾滑幾入味，唔算太過油膩。半隻份量都好豐富，都夠2-3人食！極上肥牛最普通級數既肥牛質素奇高！我地一致話好好食。雪花好密，軟林又有肉味。鮮淮山好大片，切得舊口，所以煮耐左都好爽口。金沙豬潤一大碟，色澤紅潤，一睇就知係新鮮靚貨！厚切豬潤好有口感，又無渣，10個讚！整體來講佢每樣配菜都係中上水平，又有好多選擇。每樣都大大碟，好抵食！打邊爐之外佢哋主打小食、小菜，下次會黎試。