影片
更多
2018-11-20
24 浏览
自從牛頭角公屋清拆後，我都好少去喇，覺得果度只有公屋居屋，冇野行冇野食，今日去探個朋友，佢話牛頭角都有好多臥虎藏龍餐廳，平靚正任君挑選，佢今晚就帶我去食泰國菜！呢間隠世泰國菜響得寶商場入面，雖則距離地鐵要行十分鐘，要食好西又點可以懶呀！一望入去間餐廳好有特色，以火車站為設計，我仔仔勁like啦，卡位係整到火車車箱，我地不停打卡呀！打開menu見D價錢好抵食，叫左炸蝦餅、咖哩軟㺉蟹、芒果糯米飯。先黎左炸蝦餅，熱喇喇，入口趣卜卜，蝦膠打得夠，好爽口彈牙！咖哩軟殼蟹係我點嘅，估唔到$128大大碟，軟殻蟹先炸再淋汁，咬落仲趣架，咖哩係甜，加埋洋蔥、紅青椒同蛋花，呢個汁撈飯我可以食到兩碗。每次食泰菜必食芒果糯米飯，上枱又係大大碟呀，$48咋，用正宗泰國芒果特別清甜，糯米飯軟糥，happy ending!!曼谷火車絕對係平靚正之選，食物質素比得上九龍城泰菜，但價錢平三成！
呢間隠世泰國菜響得寶商場入面，雖則距離地鐵要行十分鐘，要食好西又點可以懶呀！
一望入去間餐廳好有特色，以火車站為設計，我仔仔勁like啦，卡位係整到火車車箱，我地不停打卡呀！
打開menu見D價錢好抵食，叫左炸蝦餅、咖哩軟㺉蟹、芒果糯米飯。
先黎左炸蝦餅，熱喇喇，入口趣卜卜，蝦膠打得夠，好爽口彈牙！
咖哩軟殼蟹係我點嘅，估唔到$128大大碟，軟殻蟹先炸再淋汁，咬落仲趣架，咖哩係甜，加埋洋蔥、紅青椒同蛋花，呢個汁撈飯我可以食到兩碗。
每次食泰菜必食芒果糯米飯，上枱又係大大碟呀，$48咋，用正宗泰國芒果特別清甜，糯米飯軟糥，happy ending!!
曼谷火車絕對係平靚正之選，食物質素比得上九龍城泰菜，但價錢平三成！
张贴
