小曼谷泰國美食站

营业中

休息中

最近天氣開始熱返想食啲泰國嘢酸酸甜甜咁，適合返春天嘅節奏。喺銅鑼灣呢頭見到成個商場都係餐廳，行咗入去就比呢個大大嘅火車頭裝飾吸引到，平日都唔需要等太耐位，好快就可以入去坐。坐咗喺個live Band為隔離，但係可能今日唔係星期五六日，所以冇live Band， 正好可以同朋友兩個人捉膝詳談。由於同行嘅朋友唔鍾意食辣，所以叫咗一個椰汁雞湯，係己有驚喜嘅，因為酸酸甜甜咁樣真係幾開胃。另外我哋仲嗌左一個濕炒米粉由於太想食串燒嘅關係，我哋都叫咗幾串，個雞腎同埋牛舌好推介，燒得啱啱好。最後朋友叫咗一個泰式冰奶茶，朋友唔係太鍾意飲甜野，又唔記得咗嗌少甜，如果唔係嘅話，佢依杯野應該會幾鍾意。最後埋單百幾蚊一個人，晚餐來講，價錢都合理啦。