芒果冰 (已結業)

气温回暖一段日子，又好彩未至于太热，周末多返啲人走入西贡，搭船出去玩下，买下海鲜。喺西贡海旁，好多人以为全部都系海鲜酒楼，但其实行多几步，都有唔少特色野食架。好似几个月前，就有呢间 Ice Mango Cafe 开业，我呢个西贡街坊当然留意到，但近日先得闲拜会一下。餐厅对出就系无敌大海景，停泊左好多艇家嘅船，坐室外望住个海食饭，环境都唔错，当然室内都有座位啦。渔夫篮卖相好吸引，木箱仲系我钟意嘅浅蓝色。里面有一大条炸鱼，两只炸虾、炸蟹柳、鱿鱼圈同埋薯条。炸鱼都几厚肉，炸浆又薄又松脆又香口，唔错㖞；只系略嫌条鱼湿左少少啦，但胜在嫩滑又够鱼肉香。炸虾都好大只，肉质爽脆，鱿鱼圈都好惹味，有惊喜嘅竟然系炸蟹柳，原来脆脆地咬落去带丝嘅质感几得意。听讲呢度嘅汉堡包都几出名，用上澳洲汉堡嘅做法，面包先搽上牛油再烘至外脆内软，仲闻到阵阵面粉香。汉堡扒系自家制，牛肉味极浓，厚身啖啖肉，烧到带有焦香，夹埋上面块半溶化嘅芝士，非常惹味啊。底下仲有大量清甜又惹味嘅洋葱，番茄仔仲好多汁，生菜又爽脆。细蘑菇粒唔算十分多，但都够晒滋味。饮品选择都几多，有好多款咖啡、朱古力、冰红茶类，热茶都有好多选择，更有花茶及果茶，