醬堡 (已結業)

今日收工去左買埋外賣返屋企嘆，呢間juicy burger好似好正咁，感覺又乾淨，就決定試試佢。我嗌左2個餐，一份比埋老公，點左 和風柚子照燒醬堡， 蘑菇芝士雞堡，餐係包左配菜同飲品。就嗌左水果盒同沙律， 蘋果汁同血橙梳打。佢係即嗌即整嘅，係度等嘅時候已經嗅到好香，回到家建議即刻食，應該會更好食，不過我地食個時都仲好juicy果然係juicy burger丫！我食蘑菇芝士雞堡，蘑菇都好香，用料十足，雞又好多汁肉嫩，好夾。老公嘅和風柚子照燒醬堡，見佢大大份，不過佢話食落好舒服，吾會食到好漏，肉汁豐富，食到柚子味，醬汁好食！水果盒好精美，水果切得大細適中，有 火龍果同橙，沙律份量好多，新鮮。2份餐total百幾蚊，價錢合理，可以再食！