醉胡爐 (已搬遷) 新店位置

雖然天氣熱，但係依舊會好想打邊爐！醉胡爐既湯底一向都好出色！今次就試下金翅花膠乳鴿湯！我地平時都係食燒乳鴿，用黎做湯底我就第一次試！原來乳鴿加入湯底都幾好味，火喉控制得岩岩好唔會太老，可以保持肉質鮮嫩！個湯底非常足料，仲有花膠，瑤柱，瘦肉等等！個湯煲得好濃，啖湯真係好正！我地差唔多飲哂個鍋底d湯，然後就麻煩店員幫我地加湯！我地叫左幾款配料，分別係淮山、XO醬鮑魚蝦餃、皇帝柱貝墨魚丸同埋手唧蟹籽黑松露魚蓉面！墨魚丸爽口彈牙，入面仲有瑤柱絲XO醬鮑魚蝦餃啖啖蝦肉，XO醬味好濃！鍾意黑松露既朋友一定要試手唧蟹籽黑松露魚蓉面，黑松露味超濃！除左火鍋之後仲有串燒食，仲有我最鍾意既牛舌芯，即叫即燒，夠爽口，牛味濃！最後要求就一定係個鍋底裏面嘅南瓜，煲完之後軟綿綿，味道好似食緊栗子咁，超好味！