胡爐 (已結業)

520 當然係去打邊爐，對自己有要求即係對食物有要求，見佢咁多like，希望唔會太差，今日就去咗銅鑼灣葫蘆打邊爐，先講環境裝修都係用心嘅，有中國風古典味，最重要每一個位都有塊板格住好有私隱。講返食物，今日餐單，花甲，脆肉鯇，鵝腸，黒柏葉，帶子滑，游水海蝦，豆苗。重點推介，南瓜乳鴿湯底，第一次試，啲南瓜非常清甜，打完邊爐直頭可以當湯飲，啲蝦非常新鮮，好甜啲肉實的的，花甲亦都好新鮮，無沙，樣樣都非常新鮮，非常滿足的一餐。