U IZAKAYA (已結業)

上網見到有一間海膽專門店，本身我又鍾意食海膽，知道專門店一定高質素就訂位試吓！竹炭麵包配海膽醬重點係海膽醬，真係用新鮮海膽整，香濃又鮮味。原條伊佐木刺身見到個賣相都已經好靚，師傅刀工一流，片片差不多厚度，味道比較清新，可以自由配搭蘿蔔蓉、芥末酸汁。之後就會攞去整炸魚骨，加上椒鹽香脆，魚質嫩滑，正。磯煮鮑魚彈牙又香甜。海膽炸豆腐估唔到炸豆腐本身裏面香滑，外皮金黃，配搭白海膽及赤海膽多款層次，超match。海膽天婦羅估唔到海膽都可以做天婦羅，雖然算係熱食，但係都仍然保持鮮甜。一次過食幾款唔同嘅雞雞翼+雞肉丸+雞心丸雞翼夠晒鹹香，另外雞肉丸仲有橙色好濃嘅蛋配搭，質感又有少少香脆，配搭得宜，雞心丸就係血管果類，好有彈性，特別。五花腩都比較爽口，脂肪同瘦肉嘅比例分布平均，好食。蒜片椰菜仔口感爽口，充滿蒜香。海膽雪糕完全令人喜出望外，連同薄荷葉及最終餅，甜味的海膽另有一番風味，加上薄荷葉味道更加清新宜人。飲品方面有Cocktail同Mocktail，打卡之餘同樣美味，如果鍾意飲酒亦都有紅白酒及清酒選擇。