百份百餐廳 (富亨商場)

营业中

休息中

潮式蠔仔肉碎野菌泡飯 $50 標準茶記大大碗既份量，入面有雲耳、白菜仔、蠔仔等配料，湯底帶有胡椒同薑絲味，食落清淡感覺較為健康，但個人認為可以更濃味。另外，我以為呢個野菌泡飯會有菇，但只有雲耳呢個配料稱得上野菌😂 飲品方面叫咗一杯凍檸茶，有趣既係成杯野見唔到有一片檸檬，因為佢將檸檬打碎放入去，咁做唔單止唔洗戳檸檬，唔怕飲到最後會愈變愈苦，而且仲唔怕飲到有核添！檸味十足，我相當欣賞呢個做法👍👍👍野菌白汁焗雞扒 $50同樣地呢味餸個名有野菌二字，但又搵唔到有菇😂 大大份食落幾滿足！但可以更濃味奶茶為正常發揮水準。總括嚟講味道上絕對係合格既，但可以做得更出色。另外因為我大約1點左右嚟到，現場極多人。特別疫情期間，左右之間既枱都幾迫，所以環境唔太舒適。