一鍋豐 (已結業)

四個人去到旺角一間火鍋店試吓，位於創興廣場上面嘅《一鍋豐》，任飲任食有三個套餐選擇，我哋揀咗「刺身火鍋套餐」當中包括一個精選湯底-「椰子雞鍋」。刺身有六款選擇，我哋一口氣就點左三文魚、白肉豚同埋赤貝，刺身擺放得好整齊美觀，驟眼睇好新鮮，特別「三文魚刺身」咬落去爽口新鮮，之後再encore。火鍋湯底-「椰子雞鍋」好香濃嘅椰子味道，而且入面雞件份量都比較多，雞肉肉質鮮嫩，而且入味，仲有爽口嘅椰子條。火鍋配料食物超過50款選擇，任點任食。當中肉類我哋選擇咗「手切肥牛」同埋「羊肉」，兩者都非常新鮮，特別係手切肥牛條紋平均，而且非常濃郁嘅牛肉味道，一口氣食咗幾塊了。海鮮方面我哋叫了兩三碟「海蝦」，只需要灼幾分鐘就食得，肉質爽口彈牙，非常新鮮。除此之外，仲有我最鍾意嘅「韭菜餃」同埋「雲吞」，皮薄餡靚，雲吞入面有多隻蝦肉，就咁食都好好味。還有其他食物真係多不勝數，包括蟹棒、午餐肉、魷魚、墨魚丸、墨魚滑、響鈴、蒜香雞翼同埋蔬菜等等，每一款都新鮮美味。當然飲品都係任飲任攞，還有啤酒任君選擇。甜品方面，有獨家嘅「自助軟雪糕機」，仲有兩款口味，可以自己親手扭出軟雪糕，製作完後仲可以自由加雪糕配料，當中有我最