KAKU (已結業)

黎到土瓜灣KAKU，主打日西fusion菜，環境闊落舒服，我同肥仔好似好耐冇浪漫下咁食飯☺️我覺得啲菜式都幾有特色，餐廳係用前米之蓮法國廚師團隊黑毛豬火腿布拉塔乳酪芝士沙律～布拉塔乳酪芝士係水牛芝士其中一款，想特別講吓沙律嘅蕃茄，蕃茄用酒處理過，幾驚喜，蕃茄彈囗，咀嚼後會散發出酒味，正正可以同芝士一齊食和牛他他伴四川花椒油～他他真係食得多，加上花椒油，有另一感覺，花椒油味道唔會太嗆遮蓋和牛同魚子味道，第一試，自己又鍾意食辣，好有新鮮感，肥仔唔食生肉吾食辣佢都忍唔住講咗句「唔錯」泡菜海膽明太子芝士飯波～飯波加入左泡菜，食落少辣，用紫菜包住嚟食，都幾開胃泡菜蟹肉卡邦尼烏冬～全晚我最鍾意食🥰好膩，但越膩越好食。雞蛋蟹肉碎同濃厚嘅芝士醬汁，因為有泡菜，為烏冬增添辣味，越肥越膩真係最啱我🤣松露牛油牛肝菌雞肉卷～可能全餐飯都比較濃味，反而我唔係太食到牛肝菌嘅味道😂但雞卷真係岩岩熟，所以食落好嫩，點解我咁肯定啱啱熟？你切開中間嘅位置淨係食中間既肉，咁就好明顯食得出首先呢到距離屋企唔遠，有機會再去食