天心 (已結業)

今次夜晚嚟到就主力食日式鍋物及炸串小食。有四款鍋物：鮟鱇魚肝鍋、激辛牛腸鍋、塩味雞肉/牛肉鍋、同埋今次食嘅廣島蠔香檳鍋。湯底結合咗味噌同埋意大利moscato香檳，湯底微酸同埋有香檳嘅味道，烚海鮮可以引出佢哋嘅鮮甜。採用大大隻，煮湯後不太縮水的新鮮廣島蠔，足足有八隻，係湯鍋內氣泡酒煮，肥美嘅蠔吸收了氣酒的微炭酸，creamy得來減少了肥膩的感覺。唔夠可以額外點加蔬菜、海鮮或肉類。食完火鍋就可以食埋個主食芝士雜炊，店員會幫手加入七星米飯同埋大量芝士。個飯超級拉絲。食完正餐就試埋個甜品，來自福井縣的Runny Cheese，出名用上自家製的法式芝士結合西式及日式糕點，招牌嘅羽二重牛油芝士三文治，以牛油奇曲夾著厚厚一層不同口味的軟芝士蛋糕，中間還配襯匹配口味的果肉及福井傳統煙韌如麻糬的羽二重餅，賣相吸引。我就揀咗栗子味。仲有原味芝士蛋糕都非常好食，怪唔之得在東京百貨店成為人氣人龍店。