花椒子 (已結業)

一坐低見到周圍風格都好新派，同平日嘅川菜餐廳非常唔同😆一開始我揀咗酸菜魚鍋，另外配菜就有薯粉，豚肉花，肥牛山同埋蜂巢豆腐酸菜魚一上台比想像中大，裡面已經有少少粉絲同埋萵筍，全部都吸收晒酸菜魚湯嘅精華，加上湯底都唔會太油🤤不過酸菜嘅份量就真係比較多，食到中段我哋都夾起咗唔少🙈餐廳好貼心咁樣幫我哋將薯粉浸咗水，煮嘅時候好快就會軟身，成個過程都比較方便😉另外豚肉花同埋肥牛都算係穩陣之選，不過勝在擺盤非常之靚，用嚟打卡就perfect啦～蜂巢豆腐吸收晒湯汁，加上本身豆腐都用一啲麻辣花椒嘅醬汁煮過，食嘅時候唔單止有酸菜魚嘅味道，亦都會隱約有少少花椒嘅香氣🤤推薦👍🏻