Terrace in seaside (海運大廈)

营业中

休息中

海港城柑橘主題既韓式餐廳餐廳，好多橙色好有朝氣!!7點去到已經好full啦! 水果忌廉三文治，每一日嘅水果都會唔同，今次係我最鍾意既士多啤梨同青提!creamcheese夾住滿滿水果漲卜卜，好豐富，麵包好軟熟，整體又唔算太甜，幾特別我幾鍾意。韓式豬手（半隻），好大份下！每片都好厚身啖啖肉。配埋生菜、蒜、泡菜俾你自己整生菜包! 有韓國既味道!青醬大蝦意粉，開邊大蝦好彈牙肥美，青醬唔會太乾掛晒係意粉上，濃味醬配上鮮蝦，味道岩岩好!蜂蜜牛油無骨炸雞半份，每件雞都被蜂蜜醬包圍，香甜脆卜卜肉質嫩滑。配埋薯條同年糕，薯條點埋蜜糖汁，好惹味。士多啤梨提拉米蘇，一個小盒子咁幾得意，由上至下層分別係cream、士多啤梨 cream同海綿蛋糕士多啤梨cream 偏甜左D，但中間住清甜士多啤梨，都算中和左!濟州柑橘乳酪 & 熱情金菠蘿沙冰 每張枱都叫咁濟，係人氣打卡的飲品。半個橙/菠蘿放上飲品，好在個橙係空心。柑橘個杯帶酸乳酪味濃，smoothie 質地又有柑橘果肉。菠蘿個杯沙冰就清甜D，雖然係實心菠蘿但都好難食到D果肉。整體都幾有特色但位置會有D逼。