海南少爺 (已結業)

最近好少食東南亞菜，最近經過尖沙咀突然心血來潮就去左【海南少爺】買外賣食啦。如果有時間，堂食都係一個好選擇，因爲裝修都好靚。 印尼炒飯配沙爹串燒：炒飯炒到粒粒都上曬色，好有味、而且唔會太油膩。沙爹串燒肉唔會柴或者用鬆肉粉拿到霖曬，醬汁甜甜地幾好食。 椰香海鮮喇沙：湯底好濃，蝦膏、椰奶好香，不過都有少少辣。同傳統喇沙會有兩個麵底（油麵、米粉），另外海鮮都有非常多。呢個非常推薦。 香脆蜜糖單骨鷄翼：炸得好香脆，就算外賣都係脆。甜甜地又唔油膩。 鹵水拼盤：呢個真係好少地方有得食，經理推薦。包括鷄脚、豆腐、溏心蛋同豬手仲有花生。鹵得好入味，有五香同甜甜地，唔會太鹹。