吉列牛忌廉烏冬專門店 (百樂中心) (已結業)

今日同同事出去食lunch，終於都可以試下呢度好出名的忌廉烏冬。我地大概12:30pm左右去到餐廳，係一枱客都無😅 咁我同同事望左兩望，無人係舖頭，於是就打算直接入去坐。點知有個店員突然走左出黎，仲叫我哋係門口等等… 但佢行到去某個位既時候，又揮手叫我哋過去😐 其實就好少事，但覺得個店員唔係幾好禮貌 🤔 我地用手機scan QR code落單，d食物都算幾快送上枱既。咖哩忌廉雞肉烏冬 ($88)我叫左呢個我最想試既咖哩忌廉烏冬，佢係白雪雪既忌廉下面，完美地隱藏住橙黃色既咖喱雞烏冬🥴 不過熱既咖喱烏冬會慢慢令忌廉熔，所以要影相就要快😂 咖喱一d都唔辣，雞既份量一般，而烏冬質地都彈牙既，撈埋忌廉一齊食，味道唔錯👍🏻 香辣忌廉雞肉炒麵 ($88)同事叫左呢個麵，我無食所以唔知咩味。但同事話都有少少辣，但都接受到。不過淨睇表面，我覺得佢果碗既忌廉好似挺身d，所以紋路清晰d。