串本屋 (已結業)

今次嚟到渡船街一間小店叫做串本屋，幫襯既時間唔算多人，但到左晚飯時間估唔到平日都坐得幾多人！今次叫左個壽喜燒牛肉鍋，2份炸雞軟骨，串燒牛舌同埋呢到特色既雜錦雞串！首先有一個小食係日本蕃茄，個人一向唔係太好呢個小食，怕會酸，但係呢到都整得幾易入口！健康既野就快快食左佢，叫做清下個腸胃！之後首先黎既係炸雞軟骨！呢到炸得好香口！而且做到鎖住肉汁，只係個人略嫌份量少左d～之後就係牛肉壽喜燒鍋，個人覺得都好足料同整得幾好食，有生牛肉生蛋，而個湯濃而不鹹，係比較充滿住牛肉既香味，撈烏冬食一流！最後就到串燒，我個人覺得係呢到一大特色必食！牛舌多汁而厚厚一塊，而個雜錦雞串，有四色唔同醬汁，每一種味道都好有佢既優勝之處，重點係咁樣叫性價比好高，可以一碟四味四食！