天心 (已結業)

今次去咗旺角食日式火鍋，餐廳係申子居酒嘅姊妹店，主打拉麵、日式火鍋、串揚等。餐廳裝潢好以木系為主，天花以日式紙扇做裝飾，色彩繽紛奪目。廣島縣牡蠣香檳鍋（2人份）牡蠣鍋就食得多，香檳湯底真係第一次食，店員首先端上有昆布湯嘅鍋底，然後係你面前加入MOSCATO 氣泡酒，氣泡酒釋出微炭酸，店員話見到起泡泡就可以開始落廣島蠔，廣島蠔身厚飽滿，放入湯鍋輕輕灼過，煮後不太會縮水，入口creamy鮮甜又唔腥，餐除咗有8件廣島蠔外，仲有兩隻大蝦同一大盤蔬菜盤，蔬菜盤有福袋、蒟蒻、大根、野菌、舞茸菇、厚油揚腐皮、木棉豆腐、葛絲等，蔬菜盤份量十足，食完已經飽咗一半。吃完主菜後，店員會即席弄製特色芝士雜炊，店員加入七星米同大量芝士，睇住芝士溶掉真係好邪惡，芝士味極濃仲有拉絲效果，忍唔住一口接一口。蘋果檸檬芝士蛋糕焗朱古力芝士蛋糕食完主食緊係要滿足下第二個胃，呢到有 @runnycheese.hk 嘅芝士蛋糕，我地每人點咗一件試試，蘋果檸檬芝士蛋糕酸酸甜甜口味，焗朱古力芝士蛋糕濃濃朱古力味，令人回味無窮！