野川拉麵 (已結業)

原來係B 仔涼粉附近有間特色的居酒屋小店，一於同老婆試一試，支持一下小店。大部份人來都係為左食拉麵，我叫的和牛拉麵份量十足，食完已經有七分飽。叉燒烏冬，老婆叫左芝士辣味湯底，因為佢驚會太辣，廚房非常細心，幫佢另上辣醬，可以按個人喜好加辣，十分抵讚！叉燒的肥瘦十分均稱，會令人想食多幾片。見MENU的小食唔太貴，所以叫左四款試下。焗蠔有兩種煮法，芝士焗和蒜蓉焗，都只係＄10一隻，個人覺得蒜蓉焗的整法非常惹味，辣辣地又充滿蒜香。炸雞翼和魷魚鬚都炸得唔錯，因為味道稍濃，好適合佐酒。老婆一向鐘意食雞泡魚干，見MENU有，都忍唔住叫來試下，同日本吃到的差唔多，唔點醬食都好好味。呢度都有D 特色的日本飲品，試左兩款，蘋果梳打唔太甜，蜜瓜味汽水，係超市少見，都值得一試。埋單總共300 蚊，超值又抵食。