樂天皇朝 (青衣城1)

营业中

休息中

同老公放工去青衣城睇按摩椅，搵到呢間食上海菜，記得之前同媽咪喺銅鑼灣分店食過，好好食🤤決定encore。必試：皇朝小籠包 8款 $138從原味到川味的獨特口味原味>糟溜絲瓜＞鵝肝＞黑松露＞芝士>蟹粉＞蒜香川味。賣相好吸引，顏色又靚。全部小籠包都皮薄餡靚，咬落去啲肉汁爆晒，豬肉餡好鮮甜好吃。我個人最愛蟹粉同川味。蟹粉嘅鮮甜味濃郁，真材實料。川味微辣，惹味。齋菜黃魚春卷$53第一次食薺菜同黃花魚的配搭，原來意想不到的好吃。魚肉鮮嫩冇腥味，配上薺菜好夾，春卷炸得香脆不油膩，推介。還有上海炒年糕，薑汁炒芥蘭，味道也不錯。最後來一碗桃膠圓肉紅棗，滋陰養顏😄。