擂茶館 (已結業)

喺附近諗緊食乜嘢，突然間見到呢間新開嘅小店，賣擂茶飯幾特別，於是決定試吓。見佢嘅簡介，擂茶應該係一種客家菜，感覺有啲似湯飯或者日本嘅茶漬飯，但係見到佢餐牌仲有蛋包飯食，所以就叫咗個日式忌廉野菌雞肉蛋包飯。忌廉嘅味道好濃郁，裏面嘅野菌都好多，雞肉就略嫌少咗少少，個忌廉汁仲有啲胡椒粉嘅辣味，食落好惹味，但係個醬汁嘅味道太濃，有啲蓋過咗蛋嘅味道，同埋食到最後都有啲膩。總體而言都係好食嘅！佢仲會包埋一杯茶👍🏻呢間鋪頭仲有買一啲無糖豆漿等等，下次再嚟應該會試吓個擂茶飯😆