影片
更多
2014-09-01
558 浏览
我住附近的,行過見到有間新開的點心店,俾店的裝修吸引,綠色的店舖裡面掛住好多白色鳥籠做裝飾,望落幾特別,所以決定同屋企人夜晚去試下。我地一行4個大人加兩個小朋友8點幾去,唔洗等位即刻有得坐低,坐左係近收銀張圓枱度,冷氣有點凍。呢度茶位3蚊個,有幾款茶揀,店員推介玄米綠茶,話健康d喎~飲落茶味比較淡,就叫店員幫我加濃少少。我地總共食左13樣野,先叫左2個鳳爪排骨飯1個碗皮蛋瘦肉粥,2籠蝦餃,1籠燒賣,小籠包,黑椒金錢肚,雪山叉燒包,香芋流沙包,叉燒腸,1個煎蝦膠釀茄子同海皇芝士千絲卷(店員推介~)等左3至4個字左右,首先上左個2個鳳爪排骨飯同皮蛋瘦肉粥,我地幾個share一齊食,望落去d鳳爪同排骨都幾新鮮,唔係一早整定搞到林晒果d,好好食而且好多飯,都係$22盅,下次會考慮試埋其他兩款。個皮蛋瘦肉粥比想像中大碗,而且皮蛋都有好多,d粥都幾綿ge,呢個價錢有咁ge水準已經唔錯~過左陣之後蝦餃,燒賣,小籠包一齊上, 每籠都有4粒~d燒賣真係好大粒好足料,蝦餃皮煙韌彈牙,都算拍得住酒樓水準喎~小籠包都係抱住試下的心態,味道不錯,好多汁!!到黑椒金錢肚, 有少少出奇,因為個底用烏冬取代左平時係酒
望落幾特別,所以決定同屋企人夜晚去試下。
我地一行4個大人加兩個小朋友8點幾去,唔洗等位即刻有得坐低,坐左係近收銀張圓枱度,冷氣有點凍。
呢度茶位3蚊個,有幾款茶揀,店員推介玄米綠茶,話健康d喎~飲落茶味比較淡,就叫店員幫我加濃少少。
我地總共食左13樣野,先叫左2個鳳爪排骨飯1個碗皮蛋瘦肉粥,2籠蝦餃,1籠燒賣,小籠包,黑椒金錢肚,雪山叉燒包,香芋流沙包,叉燒腸,1個煎蝦膠釀茄子同海皇芝士千絲卷(店員推介~)
等左3至4個字左右,首先上左個2個鳳爪排骨飯同皮蛋瘦肉粥,我地幾個share一齊食,望落去d鳳爪同排骨都幾新鮮,唔係一早整定搞到林晒果d,好好食而且好多飯,都係$22盅,下次會考慮試埋其他兩款。
個皮蛋瘦肉粥比想像中大碗,而且皮蛋都有好多,d粥都幾綿ge,呢個價錢有咁ge水準已經唔錯~
過左陣之後蝦餃,燒賣,小籠包一齊上, 每籠都有4粒~d燒賣真係好大粒好足料,蝦餃皮煙韌彈牙,都算拍得住酒樓水準喎~
小籠包都係抱住試下的心態,味道不錯,好多汁!!
到黑椒金錢肚, 有少少出奇,因為個底用烏冬取代左平時係酒樓食開的芋頭,d金錢肚都幾爽口ge,烏冬就吸左金錢肚ge汁,但我本人就麻麻地鍾意烏冬,所以只係食左小小就無食。
香芋流沙包又真係好香芋喎,一籠有3個,平時奶黃流沙就見得多,香芋流沙就少有D~雖然同想像有少少出入,但食落口又唔會太甜喎。
之後到叉燒腸,皮有少少厚,不過都幾多叉燒肉,味道可以~
煎蝦膠釀茄子有4舊,聞落好香,上面舊蝦肉煎香左,茄子好林,岩老人家食。
海皇芝士千絲卷d絲包住,炸到好香口,入面有冬茹,蝦同芝士,不過我唔太食出有芝士味。
個雪山叉燒包等左好耐,叫個店員幫手跟跟,佢話原來岩岩賣晒師傅焗緊仲要等多2至3個字左右,結果等左4個字。一上枱熱辣辣,一碟有3個包,外型似墨西哥包,裡面有菠蘿同叉燒。岩岩出爐個皮特別脆口!
之後我地加單試下個芒果布甸同椰汁桂花糕~芒果布甸原來有3小杯,上面有粒士多啤梨,整到好靚咁細細杯岩晒我兩個小朋友食~椰汁桂花糕就重椰汁味,有3舊都唔係太甜,我媽唔好甜食但佢話呢個好味喎~
個個食到飽晒就賣單,每人平均都系$50左右,無加一,好抵食,不過等的時間就耐少少,張餐牌話全部即叫即蒸~好食的話等一陣都okay ge
张贴