影片
更多
2021-03-07
116 浏览
今日要大大力推介呢間小店！眾所周知旺角有好多樓上Cafe，但係一不小心就好容易中伏🤑🤑而呢一間就係旺區中嘅清泉💕位於工廈入邊一個中層size嘅舖位-今次星期日嚟，大約1:00左右竟然冇乜人之前book咗位有得坐卡位，仲要係大梳化坐得幾舒服☺️其餘位置都有啲吧枱望住落地大玻璃外面嘅風景，都唔錯㗎環境上面都幾文青feel，有啲花花草草，以日光白色簡潔風為主餐牌方面，佢款式都算多小食都有超過五款，然後嘢飲方面都好豐富🤩-喺度要教大家點樣食得抵啲午市嘅話，佢粉面嘅價錢已經包埋套餐，真係勁抵！套餐係包埋一個湯加嘢飲所以我哋就叫咗一個餐，一個小食，一個外加嘢飲，同埋兩件蛋糕首先不得不讚呢個湯🤤🤤以往飲過嘅龍蝦湯比我感覺都唔太好，只有飲到苦味但係呢個櫻花蝦湯好特別，有蝦獨特濃郁嘅味，但係又唔會覺得苦，少少creamy之餘亦都唔會覺得好滯我同朋友兩個人飲都覺得好好味🥰-然後呢個避風塘薯條真係不得了！呢間小店最叻嘅地方係點樣運用香料避風塘本身已經有獨特嘅香料，例如蒜蓉等等，呢個薯條完全食到避風塘獨有嘅香味之外唔會覺得太辣太鹹，就算唔食得辣嘅朋友都好適合食😋😋啱啱摘出嚟又熱又脆， 十分推介！就算凍咗都仲幾好
眾所周知旺角有好多樓上Cafe，但係一不小心就好容易中伏🤑🤑
而呢一間就係旺區中嘅清泉💕
位於工廈入邊一個中層size嘅舖位
-
今次星期日嚟，大約1:00左右竟然冇乜人
之前book咗位有得坐卡位，仲要係大梳化坐得幾舒服☺️
其餘位置都有啲吧枱望住落地大玻璃外面嘅風景，都唔錯㗎
環境上面都幾文青feel，有啲花花草草，以日光白色簡潔風為主
餐牌方面，佢款式都算多
小食都有超過五款，然後嘢飲方面都好豐富🤩
-
喺度要教大家點樣食得抵啲
午市嘅話，佢粉面嘅價錢已經包埋套餐，真係勁抵！
套餐係包埋一個湯加嘢飲
所以我哋就叫咗一個餐，一個小食，一個外加嘢飲，同埋兩件蛋糕
避風塘薯條
$48
11 浏览
0 赞好
0 留言
首先不得不讚呢個湯🤤🤤
以往飲過嘅龍蝦湯比我感覺都唔太好，只有飲到苦味
但係呢個櫻花蝦湯好特別，有蝦獨特濃郁嘅味，但係又唔會覺得苦，少少creamy之餘亦都唔會覺得好滯
我同朋友兩個人飲都覺得好好味🥰
-
然後呢個避風塘薯條真係不得了！
呢間小店最叻嘅地方係點樣運用香料
避風塘本身已經有獨特嘅香料，例如蒜蓉等等，呢個薯條完全食到避風塘獨有嘅香味之外唔會覺得太辣太鹹，就算唔食得辣嘅朋友都好適合食😋😋
啱啱摘出嚟又熱又脆， 十分推介！
就算凍咗都仲幾好食🤣 仲要佢嘅份量多到我同朋友食晒碟意粉都未食得晒啲薯條😂😂😂
-
海鮮忌廉扁面配挪威煙三文魚
$118
4 浏览
0 赞好
0 留言
然後呢個海鮮意粉都算出色！
普通喺出面Cafe食到嘅忌廉意粉都只係將配料擺埋一齊，意粉唔係特別好味，三文魚亦都一般
但係喺呢度食嘅就唔同！
佢嘅意粉上面又係有種好特別嘅香料，忌廉唔會太滯，亦都唔會太多
用嘅海鮮配料都算新鮮，唔會食到腥味
然後三文魚份量都算幾多，唯獨呢碟意粉份量就唔算好多，如果淨係諗住食意粉嘅朋友可能要考慮再加啲小食🤣
不過對我哋兩個女仔來講就啱啱好
荔枝水蜜桃茶
$32
8 浏览
0 赞好
0 留言
我就另外加咗杯荔枝水蜜桃紅茶
水準正常，有少少甜但係唔會覺得係太假嘅甜味
佢真係有荔枝肉㗎 ！仲有啲椰果，食落去幾層口感🥰
朱古力日式芝士蛋糕、Tiramisu
$32
4 浏览
0 赞好
0 留言
當然唔少得嘅係甜品😋
我本身諗住淨係叫一件蛋糕，好彩同朋友一人叫咗一件🤣
佢嘅蛋糕係Mini size，不過一件都只係$30左右算係咁
蛋糕都係好出色！
我叫咗個日式朱古力芝士蛋糕，朱古力味幾濃郁，但係唔會太苦或者太甜
朱古力同芝士蛋糕真係一個幾夾嘅組合！
食落去有Cheese cake嘅口感好正㗎入口即溶☺️
Tiramisu方面就正常發揮
-
總括嚟講，真係好抵！
環境坐得好舒服，又冇乜人
員工態度好好，仲同我哋推介有啲咩食，上菜都好快
重點係每一樣嘢食都好好食！
我哋叫咗一個餐，一個小食，一個外加嘢飲，同埋兩件蛋糕，兩個人除翻開都只係110幾！
激抵☺️☺️
留意番係午市先會有自動升級套餐嘅價錢，晚市就冇㗎啦
不過而家做緊還是加一蚊有甜品放題，睇吓大家想食邊樣🤣🤣
極級推介呢間💛💛💛💛
张贴
