彌敦左岸

营业中

休息中

同事介紹呢間位於尖沙咀既彌敦左岸，但坦白講，平時行過見到都只系當佢系一間酒吧，真系估唔到原來晚餐都相當有質素。星期二晚唔系太多人，上層只有十枱八枱客，靜靜地都幾有feel，聽講星期五仲有live band，屆時必然爆滿。飲品方面點左一杯Mocktail Kiwi Mountain，即系奇異果沙冰，建議一早叫定會好啲，因為要慢慢等啲冰溶先飲到。味道方面，非常有鮮果香，酸酸甜甜甘都幾開胃。整體黎講都幾好飲。香烤墨西哥卷外脆內軟，裡面夾左芝士，烤牛肉，三色椒等既配料，非常惹味。附送牛油果醬，蕃茄莎莎，酸忌廉，每款沾一啲黎食更為香口，味道層次更豐富，真心好食。香烤西班牙黑毛豬扒相當優質，豚味濃郁，只售$158，並唔系一般餐廳能夠有呢個性價比offer一塊甘有肉味既黑毛豬扒。餐廳建議煎至七成熟，令肉質仍然保持嫩滑多汁。