NUTTEA (葵涌廣場) (已結業)

下午同朋友約左係葵廣掃街，買完章魚燒好口渴，就落左1樓買野飲。一直都想試下奶蓋茶，但自己本身有少少乳糖不耐，所以平時冇咩點飲。不過，好彩呢間係主打堅果奶，咁我就可以放心飲我地分別叫左青提堅果奶蓋茶$45，同埋焙香堅果奶蓋烏龍茶$45。店員都有問我哋使唔使揀返半糖或者微甜，差啲唔記得咗平時飲野最驚太甜，所以最後都揀返半糖。等緊個時，我見到店員真係用左一粒粒青提去製作，而且奶蓋打得好厚實，好rich, 完全真材實料。上面再鋪埋少少嘅堅果碎，加埋奶蓋一齊食，增添口感。平時用飲管飲，飲唔到啲奶蓋，變相會嘥咗。但呢度有匙羹仔，好方便，可以一路飲一路食～青提堅果奶味道好清新，好多提子粒，同埋半糖啱啱好。焙香堅果奶蓋烏龍茶有甘香嘅味道，烏龍茶味道好出。兩杯嘅奶蓋都係唔同嘅，一啡一白，襯返本身飲品嘅味道。