嘉樂冰廳 (U PLACE) (已結業)

超超超大滿足奄列❤用上六隻鮮雞家樂雞蛋整成既 超巨型 奄列唔係講笑，奄列入面既火腿餡料豐富，食落口一D都唔油膩，勁香既雞蛋味，份量十足，我係雞蛋控，一個人食完，份量豐富絕對大滿足。精選套餐 滑蛋原條鰻魚飯❤鰻魚足足有成隻手咁長咁大條，食落口夠哂Juicy啖啖肉，滑蛋真係夠哂嫩，濃濃蛋香口感香滑，性價比好高，配埋佢地既蒲燒醬汁，魚香味同濃郁既魚油脂，味道好豐富。我地再叫多份滷水雞翼，隻隻雞翼都好肥美厚肉，滷得好入味，一黎到已經好重既滷水味，肉質嫩滑，色香味齊全。淨鮮蝦雲吞❤ 淨韭菜雲吞❤一口一粒，皮薄，餡料充足，雲吞皮薄，蝦肉彈牙，韭菜鮮甜香煎厚切豬扒 ❤ 豬扒四邊都煎得好香口，唔會太咸 / 嚡口，食落仲好爽口，大大塊，一個人食好滿足。另一樣係佢地既招牌秘製滷水豆腐❤豆香濃，口感軟嫩綿滑! 用老店秘方既滷水汁非常入味。