土耳其小城 (德範大廈) (已結業)

依間主打土耳其菜式嘅小店，以卡座為主，坐得舒適，特別喜歡呢度嘅裝修，佢嘅吊燈同牆壁都好靚，係土耳其馬賽克風。揀左2個午餐包括烤野雞肉卷同咖哩牛肉烤餅，加錢配兩杯特飲芒果乳酸Mango Lassi同印度奶茶Masala tea。芒果乳酸又滑又香，芒果味重，解暑一流。印度奶茶奶味偏重，唔會太甜。咖哩牛肉烤餅，牛肉有4，5件，唔算太軟稔，咖哩味夠香辣，烤餅大大塊，內裏有不少氣孔增加軟熟感，外脆內軟，咖哩加烤餅，非常滋味。烤野雞肉卷，好紮實嘅感覺，入面有雞肉，洋蔥，生菜等，口感層次豐富，加埋特色醬汁，令雞肉卷味提味不少。除左午餐，另外點了2款小食。陸洲沙律Humus，開頭以為真係菜類嘅沙律，原來誤會了。而係將鷹嘴豆打爛成忌廉狀，加入少許調味料，再塗在酥餅上。質感幼滑， 有豆香， 而且飽足感高。雞肉洋蔥圈，金黃色嘅洋蔥圈，唔會太油膩，雞肉混埋洋蔥，味道清新，非常不錯。呢餐土耳其餐味道特別，有風味，非常唔錯。