影片
更多
2018-08-23
2419 浏览
尖沙咀好多美食，突然好想食日本菜，而且想搵一間居酒屋係坐得耐、傾吓計，食吓海鮮、刺身、燒烤食物，朋友就推介秋田浜燒食堂。職員服務殷勤親切，隨即安排我哋坐兩人枱位置，仲即時俾咗兩杯茶我哋。餐牌食物多款選擇，有套餐、有散叫食物，而且海鮮價錢合理，值得一試。見到套餐KYOTO Set入面嘅食物都非常豐富，又唔使諗到頭都爆，可以樣樣都試吓，隨即我哋order左呢個套餐。枱上面有三款醬汁，柚子醬同埋牛肉燒汁都係我至愛，食海鮮同埋牛肉點一流。特上刺身拼盤五點分別有劍魚，牡丹蝦，三文魚同埋帶子等，全部都係非常新鮮嘅刺身。我比較鍾意食帶子刺身，帶子非常大隻，食落去爽口，見到帶子入面嘅條紋一條條，好新鮮添。朋友最Enjoy玩一手拿赤蝦遊戲，店員首先給予一對手套🧤及一籃赤蝦，估唔到我朋友一手就攞咗10幾隻蝦，仲要每一隻都好大隻，好抵食呀。除咗燒赤蝦之外，仲有燒鮑魚、燒帆立貝同埋燒北寄貝等等，一邊睇住店員好有耐心地燒烤，一邊享用，真係一流嘅服務。日本餐廳推介蟹味噌甲羅燒，一定要試吓嘅食物。將燒好咗嘅蟹膏搽上去白色嘅米通上面一齊食，簡直絕配。仲有賣相好吸引嘅山之惠黑松露茸野菌箔燒，可以清一清腸胃。京都海鮮湯茶
尖沙咀好多美食，突然好想食日本菜，而且想搵一間居酒屋係坐得耐、傾吓計，食吓海鮮、刺身、燒烤食物，朋友就推介秋田浜燒食堂。職員服務殷勤親切，隨即安排我哋坐兩人枱位置，仲即時俾咗兩杯茶我哋。
餐牌食物多款選擇，有套餐、有散叫食物，而且海鮮價錢合理，值得一試。見到套餐KYOTO Set入面嘅食物都非常豐富，又唔使諗到頭都爆，可以樣樣都試吓，隨即我哋order左呢個套餐。
枱上面有三款醬汁，柚子醬同埋牛肉燒汁都係我至愛，食海鮮同埋牛肉點一流。
特上刺身拼盤五點分別有劍魚，牡丹蝦，三文魚同埋帶子等，全部都係非常新鮮嘅刺身。
我比較鍾意食帶子刺身，帶子非常大隻，食落去爽口，見到帶子入面嘅條紋一條條，好新鮮添。
朋友最Enjoy玩一手拿赤蝦遊戲，店員首先給予一對手套🧤及一籃赤蝦，估唔到我朋友一手就攞咗10幾隻蝦，仲要每一隻都好大隻，好抵食呀。
除咗燒赤蝦之外，仲有燒鮑魚、燒帆立貝同埋燒北寄貝等等，一邊睇住店員好有耐心地燒烤，一邊享用，真係一流嘅服務。
日本餐廳推介蟹味噌甲羅燒，一定要試吓嘅食物。將燒好咗嘅蟹膏搽上去白色嘅米通上面一齊食，簡直絕配。
仲有賣相好吸引嘅山之惠黑松露茸野菌箔燒，可以清一清腸胃。
京都海鮮湯茶漬飯有三款配料選擇，我哋揀選左明太子。茶漬飯好特別，比客人自己按喜好將茶倒落去飯入面攪勻一齊食，口感又脆又軟。
仲有我最鍾意嘅抹茶雪糕作為甜品。
埋單只係$1100有找，每人平均消費$500左右，就享用到高質素食材同埋咁殷勤嘅服務，必定會再encore。
张贴
