蒲頭島 (已結業)

M佬：天氣凍，最啱做咩?A姐：唔返工，成日留喺嗰被竇，做少奶奶！M佬：哈，你就想！冬天就梗係最啱滾下滾下，就唔會凍，所以我哋就去佐敦莊士倫敦廣場蒲頭島食兩個半鐘頭打邊爐放題，滾過夠。歡迎飲品Welcome Mocktail一坐低，就嚟兩杯Welcome Mocktail，一杯芒果，一杯蜜桃，色彩繽紛。Fusion鍋底蒲頭島嘅一大特色就係有十大Fusion鍋底，包括珍味雜菌鍋、自家製香辣鍋、野味沙嗲鍋、花果茶酸辣鍋、人蔘白玉鍋、西班牙海鮮鍋、法式牛肉濃鍋、蒲頭鍋、蟹肉冬瓜蓉鍋同綠茶青木瓜銅。我哋揀咗加$38嘅蒲頭鍋，有紫菜、原隻章魚、蝦米、青島貝、青口同墨魚仔，非常足料，鮮味十足，仲愈煲愈濃味。火鍋配料放題火鍋配料首推是日海鮮，海蝦雖然細細隻，不過勝在新鮮彈牙，大蜆無沙鮮甜，正。另外，蝦滑、墨魚滑同鯪魚球，入口彈牙。鬼馬油條吸晒嗰湯底，加埋爽口蝦膠，口咸豐富。仲有必叫一口牛柳粒，牛味濃郁。未完，出面雪櫃有多款時令蔬菜、丸類同麵食，包括什菜籃、冬瓜、翠肉瓜、黑木耳、稻庭烏冬等，真係好多選擇。（記住Like同Share畀朋友）