凡高廚房

营业中

休息中

今日喺銅鑼灣行完街之後順便食個晚餐，我同朋友一致認同食西餐，又想有位打下卡所以就搵到呢間用梵高做主題嘅西式餐廳。入到嚟估唔到餐廳都幾大 仲有桌球，電視 一個好闊嘅打卡位 有兩個千秋，同埋周圍都係梵高嘅畫作，享受晚餐嘅同時仲可以欣賞買藝術，真係一種特別嘅享受。呢度比較特別嘅係佢哋唔好做單點嘅食物全部都係套餐 所以我同朋友一人嗌咗一個晚市套餐。《意式馬賽海鮮飯》$258首先每個套餐都會跟前菜：巴馬臣火腿配蜜瓜沙律，同埋餐湯：意大利雜菜湯，如果想升級做集菌湯就需要加錢。西班牙海鮮飯就食得多但意大利嘅海鮮飯就比較少食，呢個用龍蝦汁做底，意大利飯粒粒分明有咬口，而且海鮮嘅份量都幾多，整體來講都唔錯值得一試。《火焰美國Prime護心肉牛柳串》$328食西餐點可以少得牛肉，呢個牛柳串一上枱店員就喺面前表演火焰燒牛柳，燒過嘅牛柳更加香，同埋食起嚟一啲都唔韌，真心唔錯。食完main之後，最後就到甜品，係士多啤梨慕絲餅，幾軟滑 但有少少雪藏味，整體不過不失。跟餐仲嗌咗兩杯梳打特飲，有雪糕係面，幾好飲唔太甜。