Second Draft (已搬遷) 新店位置

星期四九點幾到達，全場爆滿！所以到附近先飲一杯，再過黎試試看就有位了。第一次食。朋友黎過覺得啤酒多選擇，而且食物質素也很好。所以帶我試試。呢杯朱古力，上次一粒粒既我同朋友試過大家唔肯定到底係黑古力粒，定係可可豆粒。炸雞治用上南乳醬同酸薑呢個中式既食材！呢個漢堡一上枱我就呆左！因為佢有成隻手咁大。講真，南乳味好淡！炸雞唔油，再加上酸薑，令到呢個本來感覺好邪惡既漢堡，變成一個好易入口，甚至乎係想食多半個既大漢堡。朋友上次試過呢個八爪魚豬腩話好味要再黎多次。唔知係八爪魚既觸鬚，定係豬腩方面出左小小問題！令呢道菜有小小苦苦地既味！當然朋友們叫左五六杯佢地呢度既特色啤酒！但本人對啤酒興趣不大。所以唔太知道分別！食物價錢方面本來覺得比一般西餐便宜，啤酒方面偏貴，但呢度供應並唔係大眾啤酒，所以本人覺得物有所值。