大和堂咖啡店

营业中

休息中

呢間咖啡店係中醫館改建而成，裡面保留左中醫館嘅風貌，收銀處有個中藥嘅百子櫃，牆上掛上舊照片同大和堂嘅金漆招牌，好有特色。由於位於九龍城，所以比起旺區嘅咖啡店，呢度多左一份寧靜悠閒。首先點左左杯呢度特有嘅大和堂鮮奶咖啡杯具印有大和堂嘅名字，幾有特色。呢杯鮮奶咖啡特別加左伯爵茶落去沖，所以飲落會品嚐到頗濃嘅茶香，而咖啡味會比較淡，口感順滑，質素幾高！大和堂熱狗份量好大份，一個人食完非常飽。熱狗包烘得好鬆脆，香腸好大條，上面嘅醬唔係普通嘅芥末或者番茄醬，而係係芝士辣肉醬，食落酸酸地、鹹鹹地又有些微辣味，味道豐富，很不錯。拌碟嘅薯條亦都炸得幾金黃香脆，熱辣辣。