名館 (希慎廣場) (已結業)

之前喺網上見到「名館」的美食照，賣相相當吸引😍今晚終於嚟到試試，果然係色香味美俱全！餐廳喺銅鑼灣地鐵站上蓋，方便就腳。餐廳唔單止乾淨舒適，仲好有格調👍而且價錢亦都唔算貴，真係貨真價實！今餐我最鍾意嘅係「蝦球蟹籽銀絲煲」，雖然望落去好乾身，但佢嘅粉絲整得好香口、好入味，蝦球又好爽口，真係值得一讚👍估唔到中菜廳的「脆皮鹹豬手」伴有薯條，仲有埋茄汁😄豬手好大隻，不會太鹹，肉質仲好Juicy，連埋塊豬皮一齊食，外脆內軟，非常好食😋而今晚最期待嘅就係…「十三么」喇🤗平時麻雀枱上未食過，今晚飯枱上食翻鋪！這個桂花椰汁糕，真係為咗佢嘅賣相而叫📸估唔到都咁有質素