元祖沾麵專門店 (已結業)

今次行過終於無乜人，即刻衝入去試試佢 - 元祖沾麵專門店。今次試嘅特級龍蝦沾麵係有啲特別嘅，龍蝦湯係以石鍋上，可以Keep住湯嘅熱力。因為青檸汁嘅酸味帶出開胃，都幾吸引胃口，而石鍋嘅熱力令到沾麵點到湯底裏面，麵條掛住湯汁，濃烈味道充滿喺口腔。沾麵配埋嘅叉燒都幾入味，但啲筍唔夠爽、紫菜配合有少少古怪、溏心蛋熟得滯。另外，完食湯汁係可以要求重添，務求食完個麵，最後可以加入木魚湯清一清口腔，令口腔進入另一境界。