碗盛 (已結業)

今日嚟到位於天后清風街嘅日本餐廳-碗盛，採用咗傳統日式居酒屋嘅裝修設計，環境乾淨企理。麻醬棒棒雞沙律採用左鹿兒島嘅特產薩摩雞，脂肪比例佳，肉質細嫩汁多，軟身同時亦保持彈性。肉味非常突出，配搭清爽嘅青瓜加麻醬，非常開胃。雜錦天婦羅款式非常多，有大蝦、冬菇、茄子、南瓜同番薯，一次過試晒咁多款！天婦羅炸皮做得非常之好，薄薄一層，金黃香脆。而內裏嘅海鮮同蔬菜仍然不失鮮味。明太子汁蛋卷煎蛋卷軟熟濕潤，嫩滑細緻，並冇煎過火，而且蛋味香濃。表面塗上一層厚厚嘅明太子醬，明太子嘅鹹香配搭煎蛋卷嘅微甜，鹹鹹甜甜的味道十分滋味。長崎拉麵香濃嘅豬骨湯底，店員強調唔落任何味精，而且加入大量椰菜同芽菜，好味又健康。厚燒牛舌、燒白鱔、鹽燒雞中翼、溫泉蛋芝士燒大啡菇嚟到居酒屋又點可以唔叫返幾款碳火燒烤，今次叫咗三款串燒同一份大啡菇，牛舌爽口彈牙，白鱔肥美多汁，雞翼香口惹味。大啡菇勁厚身，配埋溫泉蛋同溶溶地嘅芝士，好快就俾我哋清曬！Asahi生啤、吟香梅 般若刀Asahi店員介紹話係日本版，同我哋普遍香港買到嘅唔同，麥味更加重。飲落亦真有其事，非常之清爽，口感純正，麥味香濃。另外亦試咗一隻店員推介嘅梅酒，入口比較甘辛，