半島冰室

营业中

休息中

之前試過午市，好味嘅，多選擇，知道開咗晚市，今日嚟試吓。晚市套餐為主，有16個選擇，總有一個啱心水。每個套餐都包一碗是日例湯同埋一個白飯，另外每一台食客都會有花生做餐前小食，唔會另外收費，花生脆卜卜，好香口。當晚嘅例湯係青紅蘿蔔湯，有質素👍🏻。叫咗三個套餐，包括「半島乾鍋肥腸」🌶️，「焗芝士蟹肉西蘭花🥦」，同「半島蔥油雞」。3樣都達standard 水準，但我個人唔係好食白飯🍚，喺冇飯嘅情況之下食芝士西蘭花🥦，就覺得偏鹹。地方比午市嗰間舖位較為寬敞，樓底高，所以坐得都算舒服，服務員有禮貌，食得舒服。註：服務員話公眾假期，一定休息。