牛壹台食 (已結業)

收工嚟試下呢間位於灣仔軒尼詩道嘅 - 牛壹台食，餐廳供應多款台式飯、麵、小食、飲品。特濃鮮茄半筋半肉麵 $76 特別鐘意蕃茄湯底酸酸甜甜嘅鮮味，味道同牛肉好夾，牛肉腍滑，牛筋更加香軟。古早味滷肉飯$58 滷肉醬中瘦肉同肥肉嘅比例平衡得宜, 唔會過份油膩, 豬肉油脂滲入珍珠米，啖啖油香，經典美味。麻辣雞腎+$30雞腎十分爽彈，配上麻辣醬料同芝麻，香麻惹味。蜂蜜綠茶 、皇牌珍珠奶茶+$8，台式飲品甜度都幾高，如需要可預早要求少甜。