名人冰室 (已結業)

午餐唔岩食。叫左個KING餐。其實即係常餐。湯粉麵有4款。揀左特濃羅宋湯鮮牛通粉。再配奶油脆豬。3.6牛乳炒蛋。凍檸茶。個羅宋湯真係好濃。連質地都係杰杰地。味道係港式西餐嘅羅宋湯味。有落啲新鮮蔬菜。牛肉唔算太多。亦都有啲難咬。不過已經俾個湯吸引左。通粉唔會粉哂。吸哂啲湯真係正。奶油脆豬本身應該冇得輸。不過應該係整好左一陣。個包已經唔脆。仲好似吸哂油咁。食感不太好。3.6牛乳蛋炒得算滑。不過食唔到牛乳香味。