翔壽司 (已結業)

厚福街入面真係好多野食，原來開左間立食壽司店，啱晒繁忙嘅香港人。 食物選擇唔算多。好快揀好野食，野食又好快送上枱。拖羅海膽杯$138用左晶瑩剔透嘅器皿裝住，多一份高貴。 海膽鮮甜，上面放左唔少三文魚籽。再下一層就係拖羅蓉同香蔥。再底層係飯！三色手卷盛$138 鰻魚手卷、蔥拖羅手卷、辣味三文魚手卷都要快手食，紫菜先會脆。最鍾意係鰻魚手卷，好多鰻魚汁，鰻魚又夠肥美。炙燒壽司盛盒$118有炙燒吞拿魚腩、炙燒三文魚腩、炙燒左口魚邊、炙燒帶子，估唔到連貴價魚金線鯛都有，有驚喜！三樣野快快食完快快走，立食文化是也！