臺北棧 (世貿中心)

营业中

休息中

同朋友一齊去咗一間餐廳食，之前都有食過佢嘅其他分店原來佢喺銅鑼灣開咗新店！而家十分方便我去食，餐廳有眼鏡同其他分店都是大同小異都坐得好舒服！我哋叫咗4種小食加一個主食。第一，明太子麻糬蛋餅，第一次食有麻薯蛋餅，麻薯煙煙韌韌加上鹹鹹嘅明太子同蛋餅皮意外的夾。第二，麻醬涼拌秋葵就相對比較普通少少，係想像中嘅味道但想食秋葵也是可以叫！第三，三色鹽酥雞，有三款醬汁可以點黎食，唔會覺得好單調，鹽酥雞都炸得好酥脆！最後一樣小食係櫻花蝦茄子，茄子上面有滿滿嘅櫻花蝦，茄子都煮得好入味。主食方面叫咗一個肉鬆皮蛋魯肉飯，有好多肉鬆上面有隻溏心皮蛋。魯肉同肉鬆皮蛋都十分夾的！