麻辣風雲 (京都廣場) (已結業)

麻辣風雲有幾間分店，一直都好想去試下，今次同姊妹黎到銅鑼灣行街，就黎佐銅鑼灣呢間分店試下，果然無令我地失望。涼拌雞絲粉皮$68傳統既上海菜，雞絲好幼細，唔鞋口，粉皮唔會太淋，爽口有咬口，仲有好多青瓜絲，加上香濃既麻醬，撈勻黎食好香，好開胃👍🏻炸饅頭$58炸饅頭係黎到呢度一定要叫既菜式，叫黎打卡都要😝饅頭用小船造型既碟上枱，插住麻辣風雲既旗，船頭仲要有個古代公仔添！打完卡發現饅頭本身都好好食，炸到金黃色的饅頭好酥脆，內芯軟腍腍，點埋煉奶黎食簡直一絕👏🏻水煮牛肩肉$268深紅色既水煮湯底望到都覺得辣，牛肉滑嫩無比，仲要吸晒湯既麻辣味，食到牛肉既鮮味之餘仲有辣椒既香味，而且份量好多，中意食辣既朋友一定要試下呢個，絕對唔會失望！👄菊花蜜$48🍯食完啲辣野緊係要飲番啲滋潤既飲品，呢個菊花蜜好得意，用酒壺裝住，再俾兩個古代用既酒杯我哋，好有風味！菊花蜜唔會太甜又好滋潤，解辣解渴一流！