沐白小農 (已結業)

聖誕節去荃灣路德圍掃街，見到有好多人，來得路德圍當然必要去試台式飲品啦，一條短短小街，已經有5間飲品店，間間都試過，唯獨有間沐白小農新開未試過，原來係元朗超人氣台式飲品，就更加要試下，首先服務員有成5個人，佢哋個個都滿臉笑容，非常友善及親切，值得一讚，我見佢地有人氣黑糖波霸鮮奶珍珠，但我係其他店已經試過，無咩特式，所以我決定選黑糖薑茶鮮奶，而我女友就選左大甲芋頭鮮奶，出邊比較少見嘅款式，這個大甲芋頭鮮奶，非常足料，有好多粒芋頭係入邊，鮮奶都非常正，值得再去多次飲多杯。