樂園

营业中

休息中

因為book咗喺九龍城做泰式按摩所以去按摩之前想食個滿足嘅早餐先！朋友推薦黎九龍城熟食中心食茶記睇睇依度嘅餐牌先全日都無套餐所以全部都要散叫㗎價錢比一般茶餐廳貴聽朋友講依度出名係炸豬扒但今次就無點喇點咗一個五香肉丁麵同一杯紅豆冰朋友就點咗一份阿華田醬西多士同一杯熱奶茶五香肉丁麵嘅麵質軟硬適中平時食茶記都驚麵會煮得太硬或者太淋所以比想像中好食！而紅豆冰嘅紅豆都好大粒而且好淋但未去到起哂沙無哂咬口奶味同甜度適中之後試咗阿華田醬西多士上檯好打卡able多士炸得好脆身一切開裡面原來係有煉奶同阿華田醬做餡上面仲鋪滿朱古力脆脆一啖咬落去都幾有口感！有機會都想試埋炸豬扒下次再試啦！